(ភ្នំពេញ) ព័ត៌មានបឋម ៖ បុរសម្នាក់មិនទាន់ស្គាល់អត្តសញ្ញាណបានដេកស្លាប់ នៅម្តុំផ្សារកណ្តាល ស្ថិតលើ ផ្លូវលេខ១៤៨ សង្កាត់ផ្សារកណ្តាល១ ខណ្ឌដូនពេញ រាជធានីភ្នំពេញ វេលាម៉ោង ១១:៣០នាទី ថ្ងៃទី២២ ខែមេសា ឆ្នាំ២០២១នេះ។
អាជ្ញាធរនៅកន្លែងកើតហេតុនៅមិនទាន់បានបញ្ជាក់ពីការស្លាប់របស់បុរសខាងលើនេះនោះទេ ដោយរងចាំក្រុមគ្រូពេទ្យជំនាញមកធ្វើកោសលវិច្ច័យ និងធ្វើការពិនិត្យសំណាកជាមុនសិន។
បេីតាមប្រជាពលរដ្ឋដែលរស់នៅក្នុងតំបន់នោះបានឲ្យដឹងថា បុរស ដែលបានស្លាប់មិនត្រូវបានស្គាល់ឈ្មោះ នេះ តែងឃើញគាត់សម្រាកនៅម្តុំច្រកចូលទី១ ចូលផ្សារកណ្តាល។ បុរសអនាថារូបនោះមិនសូវទទួលទានអាហារទេ ក្រៅពីការផឹកស្រា ។
យ៉ាងណាមិញ មន្រ្តីសមត្ថកិច្ចដែលមានតួនាទីល្បាតនៅម្តុំទីតាំងនោះ មិនទាន់អនុញ្ញាតឱ្យប្រជាពលរដ្ឋចូលទៅជិតសាកសពនៅឡើយ ៕
